Uzłamany akaŭnt «Linii Stalina» pačaŭ publikavać zvodki pra sotni źbitych nad Rasijaj bieśpiłotnikaŭ — nichto nie zaŭvažyŭ padvochu
Za miesiac na novy akaŭnt ideałahičnaha historyka-kulturnaha kompleksu amal nichto nie padpisaŭsia.
Naviedniki historyka-kulturnaha kompleksu «Linija Stalina». Fota: supołka VK
U pačatku žniŭnia nieviadomyja ŭzłamali aficyjnuju supołku historyka-kulturnaha kompleksu «Linija Stalina» va «Ukantakcie», na jakuju padpisana bolš za 6700 čałaviek.
Uzłamanaja supołka «Linii Stalina». Skrynšot
Na praciahu niekalkich dzion u supołcy publikavali adnatypnyja dopisy pra toje, što nad roznymi abłaściami Rasii i akupavanymi terytoryjami Ukrainy byli pierachopleny i źniščany dziasiatki i sotni ŭkrainskich bieśpiłotnikaŭ.
Adzin z dopisaŭ z bajavoj zvodkaj ad 9 žniŭnia. Skrynšot
Paviedamleńnie pra ŭzłom supołki ŭ kamientach. Skrynšot
Tolki praz dva tydni, vidać, nie zdoleŭšy viarnuć sabie kiravańnie supołkaj, administracyja «Linii Stalina» stvaryła novuju hrupu i pačała pisać u kamientarach staroj, što taja ŭzłamanaja. U vyniku za amal miesiac na novuju supołku padpisałasia mizernaja kolkaść — usiaho 11 čałaviek.
Novaja supołka ideałahičnaha kompleksu za miesiac sabrała mizernuju kolkaść padpisčykaŭ. Skrynšot
Dopisy z bajavymi zvodkami ŭ staroj supołcy źnikli, ale, vidać, viarnuć da jaje dostup dahetul nie atrymałasia — apošni dopis datujecca 1 žniŭnia.