Узламаны акаўнт «Лініі Сталіна» пачаў публікаваць зводкі пра сотні збітых над Расіяй беспілотнікаў — ніхто не заўважыў падвоху
За месяц на новы акаўнт ідэалагічнага гісторыка-культурнага комплексу амаль ніхто не падпісаўся.
Наведнікі гісторыка-культурнага комплексу «Лінія Сталіна». Фота: суполка VK
У пачатку жніўня невядомыя ўзламалі афіцыйную суполку гісторыка-культурнага комплексу «Лінія Сталіна» ва «Укантакце», на якую падпісана больш за 6700 чалавек.
Узламаная суполка «Лініі Сталіна». Скрыншот
На працягу некалькіх дзён у суполцы публікавалі аднатыпныя допісы пра тое, што над рознымі абласцямі Расіі і акупаванымі тэрыторыямі Украіны былі перахоплены і знішчаны дзясяткі і сотні ўкраінскіх беспілотнікаў.
Адзін з допісаў з баявой зводкай ад 9 жніўня. Скрыншот
Паведамленне пра ўзлом суполкі ў каментах. Скрыншот
Толькі праз два тыдні, відаць, не здолеўшы вярнуць сабе кіраванне суполкай, адміністрацыя «Лініі Сталіна» стварыла новую групу і пачала пісаць у каментарах старой, што тая ўзламаная. У выніку за амаль месяц на новую суполку падпісалася мізэрная колькасць — усяго 11 чалавек.
Новая суполка ідэалагічнага комплексу за месяц сабрала мізэрную колькасць падпісчыкаў. Скрыншот
Допісы з баявымі зводкамі ў старой суполцы зніклі, але, відаць, вярнуць да яе доступ дагэтуль не атрымалася — апошні допіс датуецца 1 жніўня.