Firma z Kazachstana padmanuła na tokienach 1600 biełarusaŭ
Hienprakuratura Biełarusi zaviała kryminalnuju spravu pa artykule «Machlarstva» ŭ dačynieńni da kazachstanskaj kampanii, jakaja vypuskała tokieny. Pra heta stała viadoma na siońniašniaj naradzie ŭ Alaksandra Łukašenki pa pytańniach raźvićcia śfiery ličbavych znakaŭ.
Fota ilustracyjnaje
Jak raskazali staršynia Kamiteta dziaržaŭnaha kantrolu Vasil Hierasimaŭ i kiraŭnik administracyi Łukašenki Dźmitryj Kruty, hrupa inviestaraŭ z Kazachstana zarehistravała kampaniju i vypuściła 16 sieryj tokienaŭ. Ludziam abiacali prybytak, padobny da ablihacyj — kala 5,5% hadavych. Pieršyja vypłaty stvarali ŭražańnie nadziejnaści, a potym hrošy pačali vyvodzić za miažu. U vyniku paciarpieli 1600 biełarusaŭ.
Łukašenka zapatrabavaŭ pryciahnuć adkaznych da adkaznaści. Jon padkreśliŭ, što arhanizacyi, jakija prychodziać u Biełaruś, časta nie praviarajuć na płaciežazdolnaść, i što kiraŭniki kryptabiržy Parku vysokich technałohij, jakija adkazvali za hetu dziejnaść, znachodziacca na voli.
Hierasimaŭ paviedamiŭ, što pa stanie na siońnia ŭ Biełarusi było spyniena 6200 tranzakcyj i zaviedziena 160 kryminalnych spraŭ, a ahulnaja suma nie viernutych srodkaŭ składaje 14 miljonaŭ dalaraŭ. Łukašenka daručyŭ pryniać miery da ŭsioj kryptabiržy, pakul hrošy nie buduć viernutyja.
Čytajcie taksama:
Kala Łukašenki znoŭ źjaviŭsia Usievaład Jančeŭski i paabiacaŭ pierazahruzku PVT
U Biełarusi stvorać kryptabank
Łukašenka pryniaŭ u biełaruskaje hramadzianstva 323 čałavieki