Łukašenka pryniaŭ u biełaruskaje hramadzianstva 323 čałavieki

5 vieraśnia Alaksandr Łukašenka padpisaŭ ukaz ab nadańni biełaruskaha hramadzianstva 323 asobam, jakija prybyli z 17 krain. Siarod ich 21 niepaŭnaletni.

Fota ilustracyjnaje

Hetyja ludzi, jak paviedamlajecca, žyvuć u Biełarusi bolš za piać hadoŭ, pracujuć u roznych śfierach ekanomiki, vałodajuć prynamsi adnoj ź dziaržaŭnych moŭ i vykonvajuć zakony krainy. Kankretnyja krainy pachodžańnia nie nazyvajucca.

Raniej padobnyja ŭkazy byli padpisany 12 lipienia (245 čałaviek z 16 krain), 27 sakavika (311 čałaviek, u tym liku 26 niepaŭnaletnich), 26 žniŭnia 2024 hoda (243 čałavieki) i 11 červienia 2024 hoda (244 čałavieki).

Zhodna z ukazam №222 ad 21 lipienia 2023 hoda, novyja hramadzianie pavinny prysiahać na viernaść Biełarusi, pavažać Kanstytucyju i zakony, abaraniać niezaležnaść, suvierenitet i terytaryjalnuju cełasnaść krainy, šanavać dziaržaŭnyja simvały, kulturnyja i histaryčnyja tradycyi, zachoŭvać pamiać pra hieroičnaje minułaje biełaruskaha naroda, a taksama pavažać pravy, svabody i zakonnyja intaresy inšych asob.

U dakumiencie taksama prapisanaja pracedura pazbaŭleńnia hramadzianstva za ŭdzieł u ekstremisckaj dziejnaści abo naniasieńnie značnaj škody intaresam Biełarusi asobami, jakija znachodziacca za jaje miežami.

Kamientary da artykuła