Polšča praciahnuła dziejańnie bufiernaj zony na miažy ź Biełaruśsiu
Pra rašeńnie praciahnuć dziejańnie bufiernaj zony na miažy ź Biełaruśsiu paviedamiła Ministerstva ŭnutranych spraŭ i administracyi Polščy. Novy termin dziejnaści zony — z 6 vieraśnia pa 4 śniežnia.
Zdymak ilustracyjny. Fota: Ansgar Haase picture alliance via Getty Images
Bufiernaja zona pryznačanaja dla abarony dziaržaŭnaj miažy i supraćdziejańnia kantrabandzie, u pryvatnaści dla strymlivańnia nielehalnaj mihracyi. Jana była ŭviedzienaja ŭ červieni minułaha hoda, z taho času termin jaje dziejańnia nieadnarazova padaŭžali.
Zona achoplivaje ŭčastak miažy daŭžynioj 60,67 kiłamietra, jaki znachodzicca pad kantrolem pamiežnych atradaŭ u Naraŭcy, Biełaviežy, Dubičach Carkoŭnych i Čaremšy. Na adnoj častcy (44,55 km) zona siahaje ŭhłyb Polščy na 200 mietraŭ, a na inšaj (16,12 km) — na dva kiłamietry. Prysutnaść u zonie bieź śpiecyjalnaha dazvołu zabaronienaja.
Čytajcie taksama:
Jeŭrapiejskija lidary abmiarkoŭvajuć stvareńnie 40-kiłamietrovaj bufiernaj zony na terytoryi Ukrainy
Polšča padoŭžyła dziejańnie bufiernaj zony na miažy ź Biełaruśsiu