Praź miesiac stanie praściej raździalić asabovyja rachunki na kamunałku
Ministerstva žyllova-kamunalnaj haspadarki Biełarusi abviaściła pra sproščanuju praceduru raździełu asabovych rachunkaŭ za kamunalnyja pasłuhi, jakaja ŭstupić u siłu z 1 kastryčnika 2025 hoda, paviedamlaje BiełTA.
Zdymak ilustracyjny. Fota z sacyjalnych sietak
Raniej, kali ŭ kvatery žyli nie tolki ŭłaśniki dolaŭ, ale i inšyja paŭnaletnija členy siamji, dla taho, kab raździalić rachunki, było nieabchodna atrymać zhodu ŭsich paŭnaletnich. Heta časta pryvodziła da sprečnych situacyj i zatrymak.
Ciapier praces budzie praściejšy: kab pieranieści kankretnych žycharoŭ na asobny asabovy rachunak adnaho z ułaśnikaŭ doli, dastatkova budzie zhody tolki ŭłaśnika doli i čałavieka, jakoha ŭnosiać u hety rachunak. Zhodu inšych paŭnaletnich členaŭ siamji atrymlivać užo nie spatrebicca.
Jak adznačyła namieśnica načalnika ŭpraŭleńnia ekanomiki Ministerstva žyllova-kamunalnaj haspadarki Anastasija Malinoŭskaja, novyja praviły vyklučajuć prablemnyja situacyi, ź jakimi časta sutykalisia hramadzianie na praktycy, i robiać praceduru bolš zručnaj i pradkazalnaj.
Takim čynam, novaja sistema dazvolić značna praściej i chutčej kiravać asabovymi rachunkami, asabliva ŭ vialikich šmatdzietnych i šmatpakaleńniach siemjach, dzie raniej nieabchodnaść atrymańnia zhody ŭsich paŭnaletnich zaminała svoječasovamu raździełu kamunalnych płaciažoŭ.
Čytajcie taksama:
Stała viadoma, kolki biełarusaŭ nie płaciać za kamunałku
U Minsku zaŭvažyli samarobnuju prybudovu da pieršaha paviercha šmatpaviarchovika. Heta zakonna?