Lidčuk pryjšoŭ pamianiać pašpart i pakinuŭ pašpartystcy 50 jeŭra. Ciapier jamu pahražaje da troch hadoŭ turmy
Zabirać hrošy nazad mužčyna admoviŭsia.
Skrynšot videa milicyi
Lidčuk pryjšoŭ u adździeł pa hramadzianstvie i mihracyi pamianiać pašpart. Supracoŭnica adździeła rastłumačyła jamu ŭmovy, na jakich pašpart možna zrabić chutčej. Mužčyna napisaŭ zajavu, a zatym čamuści pakinuŭ na stale ŭ pašpartystki 50 jeŭra i pajšoŭ.
U pryznačany čas lidčuk viarnuŭsia pa novy pašpart. Supracoŭnica sprabavała viarnuć jamu jaho 50 jeŭra, ale jon admoviŭsia ich zabirać. Mužčyna patłumačyŭ, što heta padziaka za dapamohu ŭ zamienie pašparta.
Tady pašpartystka raskazała pra ŭsio kiraŭnictvu. Siłaviki praviali pravierku i zaviali kryminalnuju spravu. 35-hadovamu mužčynu pahražaje da troch hadoŭ turmy.