Лідчук прыйшоў памяняць пашпарт і пакінуў пашпартыстцы 50 еўра. Цяпер яму пагражае да трох гадоў турмы
Забіраць грошы назад мужчына адмовіўся.
Скрыншот відэа міліцыі
Лідчук прыйшоў у аддзел па грамадзянстве і міграцыі памяняць пашпарт. Супрацоўніца аддзела растлумачыла яму ўмовы, на якіх пашпарт можна зрабіць хутчэй. Мужчына напісаў заяву, а затым чамусьці пакінуў на стале ў пашпартысткі 50 еўра і пайшоў.
У прызначаны час лідчук вярнуўся па новы пашпарт. Супрацоўніца спрабавала вярнуць яму яго 50 еўра, але ён адмовіўся іх забіраць. Мужчына патлумачыў, што гэта падзяка за дапамогу ў замене пашпарта.
Тады пашпартыстка расказала пра ўсё кіраўніцтву. Сілавікі правялі праверку і завялі крымінальную справу. 35-гадоваму мужчыну пагражае да трох гадоў турмы.