Eks-probašča Čyrvonaha kaścioła Uładzisłava Zavalniuka nakiroŭvajuć u Barysaŭ
Praz hod paśla taho, jak byłoha šmathadovaha probašča Čyrvonaha kaścioła ŭ Minsku, začynienaha ŭžo amal 3 hady, ksiandza Uładzisłava Zavalniuka zvolnili i adpravili na piensiju, jaho nakiroŭvajuć na novaje miesca słužeńnia.
Fota: Katolik.life
Aficyjna pra heta pakul nie paviedamlajecca, ale, jak daviedalisia vierniki, śviatar pryznačany nastajacielem parafii Spasłańnia Śviatoha Ducha ŭ Barysavie, paviedamlaje katolik.life.
Heta novy kaścioł, jaki byŭ pabudavany i aśviačony ŭ 2021 hodzie. Probaščam hetaj parafii źjaŭlajecca ksiondz Alaksiej Ramančuk, jakoha nakiroŭvajuć na słužeńnie ŭ Budsłaŭ.
Čakajecca, što ŭračysta vitać novaha nastajaciela ŭ Barysavie buduć u nastupnuju niadzielu, 14 vieraśnia.