Urad vyznačyŭ paradak pravierki viedańnia dziaržaŭnaj movy mihrantami
Urad zaćvierdziŭ paradak acenki viedaŭ adnoj ź dziaržaŭnych moŭ (biełaruskaj abo ruskaj) dla zamiežnych hramadzian, jakija pracujuć u Biełarusi, i vyznačyŭ pieralik prafiesij i pasad, dzie vałodańnie movaj źjaŭlajecca abaviazkovym. Pra heta havorycca ŭ pastanovie ŭrada, apublikavanaj na Nacyjanalnym pravavym partale.
Foťa: Hussein Ibrahim / AP
Abaviazkovaje viedańnie movy spatrebicca dla: pracoŭnych prafiesij: kiroŭcaŭ aŭtamabilaŭ, aficyjantaŭ, cyrulnikaŭ, pradaŭcoŭ, sanitaraŭ, a taksama słužačych: administrataraŭ, akušerak, daktaroŭ (usich śpiecyjalnaściaŭ), miedsiaścior i miedbratoŭ (usich śpiecyjalnaściaŭ), pamočnikaŭ doktara, fielčaraŭ (usich śpiecyjalnaściaŭ).
Acenka viedaŭ budzie pravodzicca ŭ śpiecyjalnych punktach, vyznačanych Ministerstvam adukacyi.
Acenku buduć pravodzić vykładčyki ŭ prysutnaści pradstaŭnikoŭ miascovych orhanaŭ unutranych spraŭ i adździełaŭ pa pracy.
Pieralik punktaŭ i kolkaść miescaŭ dla mihrantaŭ vyznačyć Ministerstva adukacyi.
Acenka viedaŭ budzie płatnaj, na padstavie dahavora pamiž mihrantam i punktam acenki.
Novyja praviły nakiravany na zabieśpiačeńnie kamfortnaj kamunikacyi i intehracyi pracoŭnych mihrantaŭ u biełaruskaje hramadstva.