U Breście ratavalniki nie dali dziaŭčynie skočyć z mosta ŭ Muchaviec
Ranicaj 4 vieraśnia supracoŭniki Bresckaj vyratavalnaj stancyi №2 Tavarystva ratavańnia na vodach utrymali ad trahičnaha kroku dziaŭčynu 2001 hoda naradžeńnia, žycharku Bresta.
Fota: t.me/osvodrs
Incydent adbyŭsia kala 9:05 na moście praz raku Muchaviec. Viartajučysia sa źmieny, vyratavalniki zaŭvažyli natoŭp ludziej i niespakoj na moście. Akazałasia, što maładaja dziaŭčyna pieralezła praz aharodžu i rychtavałasia skočyć u vadu.
Mataryst-rulavy vyratavalnaha katara Alaksandr Jaraševič i matros-ratavalnik Ivan Kisialoŭ adrazu kinulisia da dziaŭčyny. Im udałosia ŭtrymać jaje i nie dapuścić trahičnaha kroku.
Nieŭzabavie da miesca padjechała dziažurnaja źmiena na katary, kab padstrachavać situacyju na vadzie. Dziaŭčynu pieradali miedykam dla akazańnia nieabchodnaj dapamohi i dalejšaha nahladu.