Miłarad Dodzik pryhraziŭ abviaścić niezaležnaść Respubliki Sierbskaj
Miłarad Dodzik pahražaje abviaščeńniem Respubliki Sierbskaj, jakaja ŭvachodzić u skład Bośnii i Hiercahaviny. Pra heta jon napisaŭ u Ch paśla sustrečy ź ministram zamiežnych spraŭ Vienhryi Pieteram Sijartam.
Alexandr Kryazhev/RIA Novosti/Pool/Anadolu via Getty Images
Dodzik padziakavaŭ Sijartu za vizit. Jon adznačyŭ, što abmiarkoŭvaŭ ź vienhierskim ministram dziejańni Viarchoŭnaha pradstaŭnika pa Bośnii i Hiercahavinie Kryścijana Šmidta. Pavodle mierkavańnia Dodzika, Bośnija i Hiercahavina ŭ sučasnym vyhladzie była niežyćciazdolnaja.
«Respublika Sierbskaja — udzielnica Dejtanskaha pahadnieńnia, jakoje my abaraniajem hadami. Administracyi Brusiela i Bajdena razburali Dejtanskaje pahadnieńnie. Jany sprabujuć skinuć demakratyčna abranych lidaraŭ praz sudy», — napisaŭ Dodzik.
Nahadajem, u lutym 2025 hoda sud prysudziŭ Dodziku hod pazbaŭleńnia voli. Jamu taksama zabaroniena zajmać pasadu prezidenta na termin šeść hadoŭ. Dodzika pryznali vinavatym u nievykanańni rašeńniaŭ Viarchoŭnaha pradstaŭnika pa BiH. U pačatku žniŭnia CVK Bośnii i Hiercahaviny spyniła prezidencki mandat Dodzika.
Respublika Sierbskaja (paznačana čyrvonym) u składzie Bośnii i Hiercahaviny. Jaje terytoryja 24 tysiačy kvadratnych kiłamietraŭ (terytoryja Bośnii — 51 tysiača kvadratnych kiłamietraŭ), a nasielnictva 1,153 młn (nasielnictva Bośnii — 3,5 młn). Wikimedia Commons