U Frankfurcie-na-Majnie źjavicca pamiatnaja šylda Vasilu Bykavu
U aŭtorak rajonnaja rada №1 niamieckaha Frankfurta-na-Majnie adnahałosna prahałasavała za ŭstalavańnie pamiatnaj šyldy ŭ honar biełaruskaha piśmieńnika Vasila Bykava.
Fota inicyjatyvy Razam
U 1998 hodzie Bykaŭ byŭ vymušany pakinuć Radzimu z-za krytyki režymu Łukašenki. U miežach inicyjatyvy «Horad prytułku» jon pražyvaŭ u Frankfurcie-na-Majnie ŭ 2001 i 2002 hadach. Ciapier rajonnaja rada uchvaliła ŭstalavańnie pamiatnaj šyldy ŭ parku Bockenheimer Anlage, pobač z domam, dzie žyŭ piśmieńnik.
Pierad hałasavańniem siabry arhanizacyi Razam Jaŭhienija Hukava i Aleś Maisiejenka prezientavali deputatam Frankfurta žyćciovy šlach i tvorčaść hetaha vybitnaha piśmieńnika, paviedamlaje inicyjatyva Razam.
Inicyjatyva vykazvaje padziaku ŭsim deputatam, jakija zrabili mahčymym realizacyju hetaj idei. Asobnaja padziaka — suinicyjataram Michaiłu Rubinu, Taćcianie Trafimavaj i deputatu Štefanu Korte (Svabodnaja demakratyčnaja partyja Hiermanii), jaki padaŭ zajaŭku.