U Biełaviežskaj puščy brakańjer złaviŭ kazulu kapkanam — sud pakaraŭ stroha
U Pružanskim rajonie razhledžana sprava ab brakańjerstvie. 53-hadovy mužčyna biez dazvołu i z parušeńniem praviłaŭ palavańnia pastaviŭ u Biełaviežskaj puščy piatlu dla adłovu dzikich žyvioł, paviedamlaje Minskaja praŭda.
U pastku trapiŭ samiec kazuli, jakoha mužčyna zabraŭ dadomu. Škoda navakolnamu asiarodździu skłała 5400 rubloŭ.
Sud pryznaŭ abvinavačanaha vinavatym i pryznačyŭ pakarańnie ŭ vyhladzie abmiežavańnia voli z nakiravańniem u papraŭčuju ŭstanovu adkrytaha typu. Taksama jaho pazbavili prava zajmacca dziejnaściu, źviazanaj z palavańniem, na dva hady.
Akramia kampiensacyi škody, mužčyna abaviazany vypłacić 1100 rubloŭ za dazvoł na zdabyču žyvioły.