Na Smalenščynie spalili 500 ekvadorskich ružaŭ, jakija pryvieźli ź Biełarusi
U Smalenskaj vobłaści supracoŭniki miascovaha ŭpraŭleńnia Raśsielhasnahladu spynili ŭvoz zaražanych kvietak ź Biełarusi.
Fota: 2.fsvps.gov.ru
Pry praviercy partyi z 500 zrezanych ružaŭ z Ekvadora, jakija trapili ŭ Rasiju praz terytoryju Biełarusi i pavinny byli pastupić atrymalnikam u Maskoŭskuju vobłaść, śpiecyjalisty vyjavili niebiaśpiečnaha škodnika — zachodniaha kvietkavaha trypsa (Frankliniella occidentalis). Łabaratornyja daśledavańni paćvierdzili jaho najaŭnaść.
Kab praduchilić raspaŭsiudžańnie hetaha karancinnaha arhanizma, uvoz ruž, jak paviedamlajecca, byŭ zabaronieny, a ŭsia partyja źniščanaja šlacham spalvańnia.
Z pačatku 2025 hoda ŭ Smalenskaj vobłaści ŭžo zafiksavana 22 vypadki sprobaŭ uvozu zaražanych kvietak (ružy, chryzantemy, hvaździki) — u ahulnaj kolkaści bolš za 6,5 tysiačy štuk. Va ŭsich vypadkach pradukcyju nie dapuścili na terytoryju Rasii.
Čytajcie taksama:
Rasijanie nie puścili da siabie 4 tony biełaruskich jahad
Ź Biełarusi ŭ Rasiju nie prapuścili amal 5 ton bujakoŭ
Ź Biełarusi ŭ Rasiju nie prapuścili piłamateryjały z-za sasnovaha čornaha vusača