Kiraŭnictva PVT abnaviłasia całkam
U kiraŭnictva Parka vysokich technałohij pryjšoŭ jašče adzin novy čałaviek. Namieśnikam načalnika PVT staŭ Vital Tulvinski.
Park.by
Da hetaha Vital Tulvinski šmat hadoŭ pracavaŭ načalnikam upraŭleńnia analityčnaj pracy i ličbavaj transfarmacyi Dziaržkamiteta pa majomaści, piša Office.life.
Nahadajem, u kancy maja IT-park uznačaliła namieśnica ministra suviazi i infarmatyzacyi Hanna Rabava. Nieŭzabavie pieršym namieśnikam načalnika PVT staŭ Dźmitryj Kalečyc, jaki raniej byŭ namieśnikam staršyni praŭleńnia Nacbanka.
Pry hetym kiraŭničyja pasady zachoŭvali staryja supracoŭniki PVT Ivan Žyźnieŭski i Alaksandr Marcinkievič. Ciapier ich proźviščaŭ niama ŭ raździele «Kiraŭnictva» na sajcie PVT. Darečy, Alaksandr Marcinkievič pačaŭ pracavać u PVT amal 20 hadoŭ tamu.