Rabotniki školnaj stałovaj u Mazyry zamianiali inhredyjenty i źmianšali porcyi
Sud vynies vyrak pa spravie ab kradziažy praduktaŭ sa školnaj stałovaj u Mazyry. Fihurantami stali zahadčyca vytvorčaści stałovaj i dvoje jaje padnačalenych.
Schiema pracavała ź vieraśnia minułaha hoda pa sakavik 2025-ha. Zahadčyca skazała rabotnikam vykarystoŭvać dla straŭ mienš praduktaŭ, čym naležyć, zamianiać adnyja inhredyjenty inšymi i pamianšać vahu školnych porcyj. Zekanomlenyja takim čynam pradukty troje rabotnikaŭ dzialili pamiž saboj.
Ahulnaja suma škody skłała 750 rubloŭ 18 kapiejek.
Kab schavać niedachop, zahadčyca ŭnosiła ŭ spravazdačy niedakładnyja źviestki.
Sud Mazyrskaha rajona pryznaŭ usich traich vinavatymi ŭ kradziažy šlacham złoŭžyvańnia słužbovymi paŭnamoctvami, učynienym hrupaj asobaŭ.
Zahadčycy pryznačyli 3 hady pazbaŭleńnia voli sa štrafam u 150 bazavych vieličyń (6300 rubloŭ) i zabaronaj zajmać kiraŭničyja pasady 5 hadoŭ. Dvum jaje padnačalenym — pa 2 hady pazbaŭleńnia voli i štraf pa 70 bazavych vieličyń (pa 2940 rubloŭ). Pry hetym u turmu jany nie adpravilisia, sud prymianiŭ adterminoŭku vykanańnia pakarańnia.