«Kali navučymsia pavažać čužuju pracu?» U Minskaj vobłaści z pola skrali baniery zhuščonki, jakimi ŭpryhožvali rułony sałomy
U Kuchčycach ahraryi vyrašyli ŭpryhožyć sałamianyja rułony. Ale dva baniery źnikli.
Fota: AAT «Kuchčycy»
U Kleckim rajonie niechta skraŭ baniery ŭ vyhladzie blašanak ad zhuščonki. Banierami ŭ miascovym kałhasie ŭpryhožyli rułony sałomy. Tak, kab zdavałasia, što pasiarod pola stajać vielizarnyja słoiki sa słodyčču.
Ale ŭ apošnija dni dva takija baniery źnikli. Na pradpryjemstvie raskazali, što ich niechta skraŭ.
«Kryŭdna stanovicca, kali ludzi, jakija prajazdžajuć, nie prosta fatahrafujucca na fonie sałamianych skulptur, a svaimi dziejańniami nanosiać škodu. Siońnia za noč byli zrezanyja 2 baniery na sałamianych rułonach (blašanki zhuščonki) i ŭkradzienyja.
Niaŭžo nie škada takoj pryhažości, namahańniaŭ ahraryjaŭ, vydatkavanych na ŭstanoŭku fihur? Kali ŭžo my navučymsia pavažać čužuju pracu i bieražliva stavicca da taho, što nas atačaje?» — zadajucca pytańniem u kałhasie.
Ciapier pradpryjemstva choča znajści złodziejaŭ i prosić usich śviedkaŭ adhuknucca.
Čytajcie taksama:
U Słuckim rajonie z sałamianych ciukoŭ zrabili «Aleju pamiaci» FOTAFAKT