«Atmaśfiera kamiernaja». U Vilni prachodzić Tydzień biełaruskaj kultury
Z 1 pa 7 vieraśnia Vilenski biełaruski muziej imia I. Łuckieviča zaprašaje žycharoŭ i haściej Vilni na Tydzień biełaruskaj kultury.
Heta sieryja padziej, jakija abjadnoŭvajuć litaraturu, mastactva, muzyku i sučasnuju tvorčaść. Muziej rychtuje ciopły i poŭny natchnieńnia tydzień sustreč, razmovaŭ i adkryćciaŭ. Vy zmožacie pahłybicca ŭ biełaruskuju kulturu praz admysłovuju vystavu, majstar-kłasy, kancert i intaraktyŭnyja farmaty.
Prahrama maje aktyŭnaści jak dla darosłych, tak i dla dziaciej.
Prahrama Tydnia:
Uvieś tydzień
Vystava «Litaraturny mapinh Vilni i Mienska».
Imiersiŭnaja intaraktyŭnaja prastora, jakaja złučaje dva harady praz žyćcio i tvorčaść biełaruskich litarataraŭ. Vas čakajuć admysłovyja mapy, «vakiency» z historyjami i fotazdymkami, intaraktyvy dla dziaciej i darosłych.
1 vieraśnia, paniadziełak
Aficyjnaje adkryćcio Tydnia i vystavy.
2 vieraśnia, aŭtorak
Pačatak u 18:30.
Fiłasofski sałon «Biełaruś siońnia»
Viečar pa ŭzory litaraturnych sałonaŭ XIX stahodździa — dyskusii, ese i razvahi biełaruskich myślaroŭ pra identyčnaść i kulturu. Atmaśfiera kamiernaja, z muzykaj i filižankaj kavy.
Tvorčy dziciačy majstar-kłas «Maja kraina mary — Biełaruś».
Tvorčaja prahrama dla dziaciej, dzie jany praz malunak i apovied stvarajuć viziju Biełarusi svaich maraŭ.
Pačatak u 17:30.
3 vieraśnia, sierada
Pačatak a 18:00.
Tvorčy majstar-kłas dla darosłych «Majo imia ŭ troch ałfavitach».
Spałučeńnie movy, historyi i mastactva: udzielniki vyvučajuć biełaruskuju kirylicu, łacinicu i arabicu, a potym stvarajuć asabisty mastacki artefakt z ułasnym imiem.
4 vieraśnia, čaćvier
Imiersiŭnaja prastora «Moj dom tam, dzie serca».
Častka 1: imiersiŭnaja. 18:00 — 19:00
Sensarnaja prastora pra ŭtulnaść, pamiać i rodny kut, dzie litaraturnyja vobrazy splatajucca z asabistymi ŭspaminami.
Častka 2: kreatyŭnaja: 19:00 — 20:00
Tvorčy majstar-kłas dla darosłych «Tut ja pačuvajusia doma».
Tvorčaja praca ź vizualnymi i tekstavymi vobrazami ŭ atmaśfiery spakoju i natchnieńnia.
6 vieraśnia, subota
Pačatak a 18:00.
Kancert dla flejty i fartepijana «Huki, što zastalisia»
Kamierny viečar biełaruskaj i jeŭrapiejskaj kłasičnaj muzyki ŭ muziejnaj zale pry śviatle śviečak i vodary harbaty.
7 vieraśnia, niadziela
14:00 — 20:00.
Dzień adčynienych dźviarej
Možna naviedać muziej, pahutaryć z kamandaj i pahutaryć pra płany na budučyniu, a taksama pra vykliki, ź jakimi zmahajecca muziej.
Uvachod na ŭsie imprezy volny. Danaty na padtrymku muzieja i kulturnickich prajektaŭ vitajucca.
Fiestyval adbyvajecca pry padtrymcy Departamienta nacyjanalnych mienšaściaŭ pry Litoŭskim uradzie.