Erdahan zajaviŭ, što Pucin i Zialenski pakul nie hatovyja da dvuchbakovaj sustrečy
Prezident Turcyi Redžep Taip Erdahan paviedamiŭ žurnalistam, što padčas svajho vizitu ŭ Kitaj abmiarkoŭvaŭ z prezidentam Rasii šlachi zakančeńnia vajny va Ukrainie, pieradaje Reuters.
Uładzimir Pucin i Uładzimir Zialenski. Fota: Mikhail Metzel, Sputnik, Kremlin Pool Photo via AP; AR
Erdahan taksama raspavioŭ, što havaryŭ pa telefonie z ukrainskim lidaram Uładzimiram Zialenskim, ale baki «pakul nie hatovyja» da dvuchbakovych pieramoŭ, havorycca ŭ paviedamleńni.
Pavodle słoŭ tureckaha prezidenta, Ankara vystupaje za «pastupovaje pavyšeńnie ŭzroŭniu pieramoŭ».
Pa vynikach pieramoŭ z udziełam jeŭrapiejskich lidaraŭ u Vašynhtonie prezident ZŠA Donald Tramp zajaviŭ, što nastupny krok — heta sustreča prezidentaŭ Ukrainy i Rasii.
Zialenski nastojvaje, što hatovy sustrecca z Pucinym u luby momant, adnak Rasija nieadnarazova zajaŭlała, što dla takich pieramoŭ treba papiarednie ŭzhadnić umovy spynieńnia ahniu i šlachi da miru.
Z zajaŭ Maskvy taksama nie vynikała, što jana hatovaja da jakich-niebudź sastupak abo da admovy ad maksimalisckich patrabavańniaŭ, jakija dla Ukrainy zastajucca nieprymalnymi.