Jeŭrapiejskim čynoŭnikam rassyłajucca paviedamleńni ad fejkavaha Cichanoŭskaha
«My ciapier na mižnarodnym forumie ŭ Bledzie. Akazałasia, niekatorym udzielnikam forumu pisaŭ «Cichanoŭski» z prapanovami supracy».
Siarhiej Cichanoŭski ŭ Varšavie 9 žniŭnia 2025 hoda. Fota: Look by Media
Jeŭrapiejskim palitykam i dziaržaŭnym orhanam dasyłajuć fejkavyja jemejły i paviedamleńni nibyta ad Siarhieja Cichanoŭskaha. Pra heta raskazaŭ Franak Viačorka, daradca Cichanoŭskaj.
«My ciapier na mižnarodnym forumie ŭ Bledzie. Akazałasia, niekatorym udzielnikam forumu pisaŭ «Cichanoŭski» z prapanovami supracy», — paviedamiŭ jon.
Viačorka pakazaŭ adno z takich paviedamleńniaŭ.
Fota pradastaŭlenaje Viačorkam
«Tut vydaje jak minimum napisańnie imia — Siarhiej siabie padpisvaje Sergey Tikhanovski. Nu i tema, styl i podpis vyklikajuć adrazu sumnievy».
U hetych paviedamleńniach, što rassyłajucca jeŭrapiejcam, fejkavy Cichanoŭski sprabuje zaviazać kantakty.
«Vidavočna, ciapier hebe pracuje pa ŭsich frantach», — adznačyŭ Viačorka.
Raniej u prakuraturu Litvy dasyłaŭsia fejkavy list nibyta ad Cichanoŭskaha. U im patrabavali rasśledavać dziejnaść litoŭskaha deputata Vitaŭtasa Sinicy. Pryčynaj nibyta stali jaho abrazy Śviatłany i Siarhieja Cichanoŭskich.