Minimum 1000 čałaviek zahinuli ŭ Sudanie ŭ vyniku ssoŭvańnia hleby
Trahiedyja adbyłasia 31 žniŭnia paśla niekalkich dzion intensiŭnych daždžoŭ.
Ilustracyjnaje fota: Dan Kitwood/Getty Images
Vioska, jakaja apynułasia pad zavałami, była «poŭnaściu zrujnavana da ziamli». Vyžyła tolki adna asoba, paviedamlaje Reuters sa spasyłkaj na Narodnuju armiju vyzvaleńnia Sudana.
Hrupoŭka, jakaja kantraluje terytoryju ŭ rehijonie Darfur, źviarnułasia da Arhanizacyi Abjadnanych Nacyj i mižnarodnych humanitarnych arhanizacyj z prośbaj dapamahčy ŭ pošuku cieł zahinułych.
«Ratujučysia ad vajny pamiž sudanskaj armijaj i paramilitarnymi 'siłami chutkaj padtrymki' ŭ štacie Paŭnočny Darfur, ludzi šukali prytułak u rajonie hor Mara, dzie nie chapaje charčavańnia i lekaŭ.
Dvuchhadovaja hramadzianskaja vajna pryviała da taho, što bolš za pałovu nasielnictva apynułasia na miažy haładańnia, a miljony ludziej pakinuli svaje damy. Stalica štata Paŭnočny Darfur, horad El-Fašyr, i dalej zastajecca pad pastajannymi abstrełami». — havorycca ŭ paviedamleńni.