U dvoryki Hrodna viarnułasia muzyka. Ułady źbiralisia ŭrehulavać vystupleńni
U apošnija dni leta ŭ centralnych dvorykach Hrodna vystupali muzykanty. Videa z kancertaŭ apublikavali i haradžanie, i praŭładny telehram-kanał «Hrodnienskije ślivy». Jak rehulujuć vystupleńni muzykaŭ, pakul niezrazumieła, piša Hrodna.life.
Skrynšot ź videa
«Apošnija vychadnyja leta zapomnilisia takim atmaśfiernym rucham», — prakamientavała svoj tyktok-rolik hrodzienka Inna. Na videa — viečarynka ŭ dvoryku kaviarni «Džezva». Haradžanie tancujuć pad dydžej-set.
Padobnaje videa źjaviłasia i ŭ telehram-kanale «Hrodnienskije ślivy».
«Usio ŭ paradku, ja pravieryła — hurty ŭ dvorykach hrajuć. Tak što možna nie turbavacca i prychodzić adpačyvać», — paviedamlaje haradžanka.
U siaredzinie žniŭnia hrodziency zaŭvažyli, što muzyki pierastali vystupać u centralnych dvorykach horada. Haradžan, jakija ŭ internecie emacyjna vykazvalisia ab zabaronie muzyki, vyklikali na «razmovy».
U svaju čarhu miascovyja ŭłady paviedamili, što aficyjnaj zabarony na vystupleńni niama. Muzyki, maŭlaŭ, viernucca na vulicy, kali čynoŭniki «pryviaduć tvorčyja placoŭki ŭ pravavoje pole, zrabiŭšy ich zručnymi i biaśpiečnymi dla kožnaha».
Pakul nie zrazumieła, ci pryjšłosia muzykam i dydžejam atrymlivać śpiecyjalnyja dazvoły, kab vystupić u dvorykach u apošnija dni žniŭnia.
Čytajcie taksama:
«Usio zabaranili». U Hrodnie muzyki raniej vystupali ŭ centralnych dvorykach, a ciapier nie buduć
«Heta vypadkova nie Ibica?» Łahier «Zubrania» pakazaŭ, jak u im prachodziać dziciačyja dyskateki