Adnaŭlajecca sudovy praces nad žurnalistam Iharam Iljašom
4 vieraśnia ŭ Minskim haradskim sudzie praciahniecca praces pa spravie žurnalista Ihara Iljaša, jaki byŭ prypynieny jašče ŭ sakaviku. Za hety čas jaho teksty prajšli psichalinhvistyčnuju ekśpiertyzu, jakuju pravodziŭ doktar fiłałahičnych navuk, prafiesar BDU Siarhiej Lebiadzinski.
Ihar Iljaš
Praces nad Iharam Iljašom pačaŭsia 21 lutaha. Jaho abvinavačvajuć u «dyskredytacyi Biełarusi» (art. 369-1 KK) i «sadziejničańni ekstremisckaj dziejnaści» (č. 2 art. 361-4 KK). U videa, pakazanym dziaržaŭnymi ŚMI paśla zatrymańnia, jon kazaŭ, što jaho pieraśledujuć za intervju niezaležnym ŚMI, pryznanym uładami «ekstremisckimi farmavańniami».
Sam Iljaš chadajničaŭ, kab ekśpiertyzu pravodziŭ Dziaržaŭny kamitet sudovych ekśpiertyz, ale sud adchiliŭ prośbu.
Ihar Iljaš — muž žurnalistki Kaciaryny Andrejevaj, asudžanaj u 2020 hodzie paśla strymu z płoščy Pieramienaŭ. Spačatku jana atrymała 2 hady turmy, paźniej jaje pryhavaryli pa novaj spravie za «zdradu dziaržavie» da 8 hadoŭ i 3 miesiacaŭ pazbaŭleńnia voli.
Samoha Ihara Iljaša zatrymali ŭ kastryčniku 2024 hoda.
Čytajcie taksama:
Dypłamaty pryjšli da budynka suda, kab padtrymać Iljaša
Administratar biełaruskaj Vikipiedyi Maksim Lepušenka vyjšaŭ ź SIZA, atrymaŭšy chatniuju chimiju
Maładuju madel i aktrysu ź Minska pakarali za ŭdzieł u pratestach