Pierad liniejkaj školnikam razdali instrukcyju, jak słuchać himn
Ruki musiać być apuščanyja ŭniz, plaskać u dałoni nielha.
Fota: Telegram-kanał upraŭleńnia pa adukacyi administracyi Savieckaha rajona h. Minska
Pierad liniejkami na Dzień viedaŭ kłasnyja kiraŭniki ŭ niekatorych škołach zahadzia dasłali dzieciam i ichnym baćkam instrukcyju, jak pravilna słuchać i śpiavać himn.
U instrukcyi skazana, što padčas hučańnia himnu ni pry jakich abstavinach nielha sychodzić ź miesca. Treba stajać roŭna, nie krucić hałavoj, nie śmiajacca, nie ŭśmichacca i nie razmaŭlać, a vyraz tvaru musić być adpaviedny — uźniosła aduchoŭleny, surjozny. Ruki musiać być apuščanyja ŭniz, nijakich znakaŭ rukami nie rabić. Plaskać u dałoni nielha ni da, ni padčas, ni paśla himnu.
Sioleta na adzinym uroku 1 vieraśnia školnikam prapanoŭvali słuchać cytaty Łukašenki i pisać list pijanieram 2075 hoda.