Biarozaŭskaja piensijanierka chacieła paskardzicca Łukašenku na małuju piensiju, ale atrymała za heta 10 sutak
Vizit Łukašenki ŭ Biarozaŭski rajon adbyŭsia ŭ červieni. Žančyna viedała, što Łukašenku čakajuć u rajonie i pasprabavała sustrecca ź im, piša bresckaja «Viasna».
Alaksandr Łukašenka ŭ Biarozaŭskim rajonie, 13 červienia 2025 hoda
Vizit Alaksandra Łukašenki ŭ Biarozaŭski rajon adbyŭsia 13 červienia 2025 hoda. Jon naviedaŭ centr padrychtoŭki i prymianieńnia bieśpiłotnych avijacyjnych kompleksaŭ.
Jak pišuć pravaabaroncy, pierad vizitam «uručnuju myli z šampuniem karoŭ u bližejšym saŭhasie i pałoli ŭručnuju kukuruzu, jakaja prymykała da centra padrychtoŭki».
«Da takoj udarnaj raboty pryciahvali navat ITR. Samo saboj ŽKH padcirała, padfarboŭvała centr Biarozy. I, kaniešnie, było zahadana, kab nichto nosa ŭ hety dzień nie vysoŭvaŭ», — pišuć pravaabaroncy.
Sa svaich krynic jany daviedalisia, što adna ź biarozaŭskich piensijanierak, niahledziačy na zahady, «zachacieła prabracca na sustreču z Alaksandram Ryhoravičam, kab paskardzicca na małuju piensiju. Dajści nie dali».
Žančynu zatrymali i pamiaścili ŭ IČU Biarozaŭskaha RAUS na 10 sutak. Umovy byli jak palityčnym: hołyja nary bieź bializny, ni pieradač, ni vady, z padsialeńniem śpieckantynhientu, piša bresckaja «Viasna».