Modzi zaklikaŭ Pucina da chutčejšaha zaviaršeńnia vajny va Ukrainie
Premjer-ministr Indyi Narendra Modzi padčas sustrečy z Uładzimiram Pucinym na samicie Šanchajskaj arhanizacyi supracoŭnictva zaklikaŭ rasijskaha prezidenta da chutčejšaha zaviaršeńnia vajny va Ukrainie, piša IndiaToday.
Uładzimir Pucin, Narendra Modzi i Si Czińpin hutarać napiaredadni samitu Šanchajskaj arhanizacyi supracoŭnictva ŭ Ciańczini, 1 vieraśnia 2025 hoda. Fota: Indian Prime Minister's Office via AP
Premjer-ministr Narendra Modzi u časie sustrečy z prezidentam Uładzimiram Pucinym zajaviŭ, što šlach da tryvałaha miru va Ukrainie — heta zaklik usiaho čałaviectva.
«My pastajanna abmiarkoŭvajem biahučy kanflikt va Ukrainie. My vitajem usie niadaŭnija namahańni dziela miru. Spadziajomsia, što ŭsie baki buduć ruchacca napierad kanstruktyŭna. Treba znajści šlach da jak maha chutčejšaha zaviaršeńnia kanfliktu i ŭstalavańnia tryvałaha miru», — skazaŭ premjer-ministr Indyi.
Sustreča adbyłasia praź niekalki dzion paśla taho, jak ustupili ŭ siłu myty ZŠA ŭ 50 pracentaŭ na indyjskija tavary za kuplu Indyjaj rasijskaj nafty. ZŠA abvinavacili Ńju-Deli ŭ finansavańni vajny Rasii suprać Ukrainy — abvinavačvańnie, jakoje Indyja adprečyła, nazvaŭšy heta «kryvadušnaściu Zachadu».
Pucin źbirajecca naviedać Indyju ŭ śniežni 2025 hoda.