Polskija bajkiery, jakim paśla akcyi pamiaci zabaranili ŭjezd u Rasiju, naviedali Kurapaty
«My chočam, kab pamiać ab achviarach Panaraŭ, Katyni, Kurapataŭ i ŭsich miescaŭ pakarańnia nikoli nie zhasała».
Polskija bajkiery z asacyjacyi «Lublu Polšču» (Stowarzyszenie Kocham Polskę) u Kurapatach. Fota: fejsbuk
Polskija bajkiery z asacyjacyi «Lublu Polšču» (Stowarzyszenie Kocham Polskę) 30 žniŭnia naviedali Kurapaty, kab addać daninu pamiaci zahinułym achviaram savieckaha teroru.
«Heta byŭ momant hłybokaj zadumiennaści i razvažańniaŭ. My chočam, kab pamiać ab achviarach Panaraŭ, Katyni, Kurapataŭ i ŭsich miescaŭ pakarańnia nikoli nie zhasała. Heta nie prosta danina pamiaci zahinułym — heta taksama abaviazacielstva pierad budučymi pakaleńniami, kab histaryčnaja praŭda zaŭsiody była žyvaja», — napisali jany ŭ sacsietkach.
Raniej polskija bajkiery praviali akcyju pamiaci ŭ Rasii la miemaryjała «Miednaje» pad Ćvierju (tam pachavana bolš za šeść tysiač polskich vajskoŭcaŭ, rasstralanych u SSSR u 1940 hodzie). Paśla hetaha im zabaranili ŭjezd u Rasiju. Na bajkieraŭ skłali pratakoły ab parušeńni mihracyjnaha zakanadaŭstva.
Rasijskaja prapahanda nazvała ich akcyju ŭ Ćviery pravakacyjaj i zajaviła, što bajkiery «skandavali antyrasiejskija łozunhi i pakinuli paśla siabie nacyjanalistyčnyja nadpisy». Udzielnikaŭ akcyi jany vydavali za nieanacystaŭ.
Čytajcie taksama:
Kala Minska źnikła šylda pra Kurapaty
37 hadoŭ tamu adbyłosia pieršaje šeście ŭ Kurapaty
Ziankovič pra skandalny restaran «Pajedziem pajadzim»: Heta adno z najlepšych miescaŭ u horadzie