U akupavanym Łuhansku skončyŭsia bienzin AI-92 i AI-95. Jaho deficyt nazirajecca i ŭ niekatorych rehijonach Rasii
Ułady «ŁNR» zajavili pra časovuju adsutnaść bienzinu marak AI-92 i AI-95. Na zapraŭkach vystrojvajucca čerhi i čakajuć pa niekalki hadzin, pišuć u pablikach.
«Situacyja, jakaja skłałasia, abumoŭlenaja pierabojami ŭ pastaŭkach, a taksama padvyšanym spažyvieckim popytam na paliva, jaki nazirajecca ciaham apošnich dvuch tydniaŭ», — kažuć u Minpałenierha «ŁNR». Tam dadajuć, što zapasy źnižanyja.
Da hetaha prodaž bienzinu AI-92 u suviazi z deficytam prypynili ŭ Kurylskim rajonie Sachalinskaj vobłaści, źviartaje ŭvahu Astra. U Prymorskim krai paviedamlali ab kiłamietrovych čerhach na AZS, a ŭ Zabajkalli pačali pradavać bienzin pa tałonach. Pieraboi ź bienzinam paŭstali i ŭ aneksavanym Krymie.