Chtości na ŭradavym biznes-džecie viarnuŭsia ŭ Minsk z kurorta ŭ Turcyi
Čatyry dni tamu hety samalot vylataŭ na adzin z samych prestyžnych kurortaŭ Turcyi — Bodrum.
Skrynšot videa
Dniom 31 žniŭnia ŭradavy biznes-džet Canadair CL-600-2B19 Challenger 850 z bartavym numaram EW-301PJ viarnuŭ u Minsk ananimnych pasažyraŭ, jakija praviali 4 nočy na adnym z samych prestyžnych kurortaŭ Turcyi — u Bodrumie. Pra heta śviedčać źviestki servisu airnavradar.com, paviedamlaje Reform.news.
Bort učora vylecieŭ ź Minska ŭ Bodrum i siońnia, 31 žniŭnia, u 08:52 TRT adpraviŭsia nazad u Minsk. U biełaruskaj stalicy pasažyry biznes-džeta byli ŭ 14:04 MSK.
Raniej Reform.news paviedamlaŭ, što hety ž samalot 27 žniŭnia vylecieŭ u Bodrum i viarnuŭsia ŭ Minsk na nastupny dzień.
Chto mienavita znachodziŭsia na borcie — nieviadoma. Vierahodna, hetyja ludzi skarystalisia ŭradavym samalotam, kab pravieści niekalki apošnich letnich dzion na prestyžnym kurorcie.
Na hetym samalocie lotajuć vysokapastaŭlenyja čynoŭniki ŭrada Biełarusi i blizkija Alaksandra Łukašenki. Biznes-džet taksama vykarystoŭvajuć dla śpiecyjalnych apieracyj. Tak, na im u lutym 2025 hoda ź Minska ŭ Jerevan dastavili na asabistuju prośbu armianskaha aliharcha Hahika Carukiana zatrymanuju ŭ Biełarusi armianskuju błohierku Bełu (Roza Babachanian).
Skrynšot: airnavradar.com