Sotni ludziej pryjšli ŭ Kijevie raźvitacca z maładoj maci i jaje dačkoj, jakija zahinuli ad rasijskaha ŭdaru
U Kijevie raźvitalisia z 24-hadovaj Nadziejaj Halič i jaje dvuchhadovaj dačkoj Anhielinaj, jakija zahinuli ŭ vyniku masiravanaha napadu Rasii na stalicu ŭ noč na 28 žniŭnia.
Miascovyja žychary stvaryli impravizavany miemaryjał kala paškodžanaha doma. Usie fota: Hanna Žalaźniak / Suśpilnie
Siarod prysutnych na raźvitańni byli žychary razburanaha doma ŭ Darnickim rajonie, susiedzi, svajaki, siabry i adnakłaśniki zahinułaj Nadziei. Dziaŭčyna vučyłasia ŭ Kijeŭskim prafiesijnym kaledžy turyzmu, a ŭ kastryčniku 2022 hoda naradziła dačku.
Byłaja kłasnaja kiraŭnica Natalla skazała, što Nadzia była dobraj vučanicaj, viasiołym i pryjaznym čałaviekam i lubiła svaju małodšuju siastru.
«Nadziuška była vielmi śvietłym i dobrym čałaviekam. Jana ŭsim dapamahała. Jana rasła na maich vačach. Ja nie mahła skazać pra jaje nivodnaha drennaha słova», — padzialiłasia Ludmiła, žycharka susiedniaha doma.
Kala doma, paškodžanaha padčas rasijskaha ŭdaru, miascovyja stvaryli impravizavany miemaryjał, kudy, akramia kvietak, prynosiać cacki.
U noč na 28 žniŭnia Rasija naniesła masiravany ŭdar pa ŭkrainskich haradach. U Kijevie zahinuli 21 darosły i čaćviora dziaciej. Dziasiatki ludziej atrymali ranieńni.