Mierc: Rasija spynić kanflikt va Ukrainie, tolki kali jaje prymusiać
Kancler Hiermanii Frydrych Mierc zajaviŭ, što kanflikt va Ukrainie skončycca tolki ŭ tym vypadku, kali Rasiju prymusiać da hetaha ekanamičnyja pryčyny. Takoje mierkavańnie jon vykazaŭ u intervju Sky News.
Frydrych Mierc. Fota: Emmanuele Contini / NurPhoto via Getty Images
«Heta nie spynicca, pakul my razam nie zabiaśpiečym, kab Rasija — prynamsi z ekanamičnych pryčyn, a mahčyma, i z vajennych — bolš nie mahła praciahvać hetuju vajnu», — skazaŭ Mierc.
Jon dadaŭ, što apošnija tydni supravadžalisia sprobami mirnaha ŭrehulavańnia, ale z rasijskaha boku, pavodle jaho słoŭ, zastajecca «ahresiŭny padychod».
Raniej kancler Hiermanii zajaviŭ, što kraina znachodzicca ŭ stanie kanfliktu z Rasijaj. Pavodle jaho, heta źviazana sa štodzionnymi paviedamleńniami pra rasijskija ataki na infrastrukturu Hiermanii i sprobami paŭpłyvać na hramadskuju dumku FRH.