U Biełarusi pavialičycca vypłata na pachavańnie
U suviazi z rostam siaredniaha zarobku z 1 vieraśnia ŭ Biełarusi pavialičycca dapamoha na arhanizacyju pachavańniaŭ.
Z 1 vieraśnia 2025 hoda pavialičvajecca pamier dziaržaŭnaj dapamohi na arhanizacyju pachavańnia — da 2772,4 rubla. Heta na 54,6 rubla bolš, čym raniej.
Pamier dapamohi vyznačajecca na padstavie siaredniaha naminalnaha zarobku za pazaminuły miesiac. U lipieni jon skłaŭ 2772,4 rubla — mienavita takuju sumu atrymajuć svajaki pamierłych u vieraśni.