Niebiaśpiečny ispanski smoŭž apanoŭvaje Biełaruś. Heta pahroza dla sadoŭ i aharodaŭ
Pa ŭsioj terytoryi Biełarusi aktyŭna raspaŭsiudžvajecca ispanski smoŭž, jaki adnosicca da invaziŭnych vidaŭ, paviedamlaje fishingby.com.
Jašče 10—15 hadoŭ tamu hihanckija smaŭžy sustrakalisia tolki ŭ asobnych rajonach Minskaj i Hrodzienskaj abłaściej, ciapier ich znachodziać navat u paŭnočna-ŭschodnich rehijonach. Jany asieli ŭ parkach, aharodach i na ŭskrainach nasielenych punktaŭ.
Čamu jon niebiaśpiečny?
— chutkaje razmnažeńnie: hiermafradyt i lohka adaptujecca da novych umoŭ,
— škoda sielskahaspadarčym kulturam: jaduć harodninu, dekaratyŭnyja raśliny, hryby, uklučajučy baraviki i čyrvonahałoviki.
— pahroza dla žyvioł: viadomy vypadki napadaŭ na ptušaniat, pieranosu zachvorvańniaŭ dla sabak, katoŭ, svojskich śvińniaŭ i dzikoŭ.
Jak zmahacca z «pryšelcam»
Strymlivać papulacyju dapamahajuć vožyki, drazdy, špaki i žuki, jakija kormiacca patomstvam smaŭža. Na bujnych ahrapradpryjemstvach vykarystoŭvajuć bijałahičnyja srodki baraćby.