Dziarždepartamient ZŠA abjaviŭ pra aficyjnaje zakryćcio USAID
ZŠA aficyjna zakryvajuć ahienctva pa mižnarodnym raźvićci USAID. Dziaržsakratar Marka Rubia paviedamiŭ, što častka prahram budzie pieradadziena pad kantrol Dziarždepartamienta ZŠA, a samo ahienctva spyniaje svaju dziejnaść.
Marka Rubia adznačyŭ, što z pačatku hoda dziakujučy zakryćciu USAID udałosia aščadzić dziasiatki miljardaŭ dalaraŭ sa srodkaŭ amierykanskich padatkapłacielščykaŭ.
USAID byŭ stvorany Kanhresam ZŠA u 1961 hodzie i naličvaŭ kala 10000 supracoŭnikaŭ pa ŭsim śviecie. Heta było asnoŭnaje padraździaleńnie ŭrada ZŠA pa akazańni mižnarodnaj dapamohi. U trojku najbujniejšych atrymalnikaŭ hetaj dapamohi letaś uvajšli takija krainy, jak Ukraina, Efiopija i Iardanija.
Raniej administracyja Donalda Trampa spyniła bolš za 90% prahram dapamohi zamiežnym dziaržavam praz USAID, a ŭ 2025 hodzie było zakryta 83% prahram. Dziarždepartamient ciapier maje niepasredna kiravać astatnimi prykładna 1000 prahramami.
Čytajcie taksama:
U Rasii zajavili pra namier stvaryć svoj anałah kolišniaha amierykanskaha USAID
Rubia: ZŠA bolš nie buduć nieści asnoŭny ciažar humanitarnaj dapamohi