U Breście pažarnyja mašyny palivajuć voziera vadoj. Heta vielmi važnaja misija
Pažarnikaŭ pryciahnuli da ratavańnia pryrody.
Tut i dalej fota: Brescki harvykankam
U Breście pažarnyja mašyny palivajuć vadoj voziera Vyčułki. Akazvajecca, takim čynam jany ratujuć rybu, jakaja žyvie ŭ vadajomie.
Miascovyja rybałovy nie tak daŭno paviedamili, što ŭ voziery pačaŭsia zamor ryby. Adnosna pryčyn miascovyja žychary spračajucca. Toj-sioj miarkuje, što vinavatyja žychary pryvatnych damoŭ pablizu, jakija niezakonna źlivajuć u voziera roznyja adkidy.
Tak ci inakš, haradskija słužby vyrašyli zmahacca z zamoram ryby. Dla hetaha ratavalniki pravodziać aeracyju voziera, heta značyć nasyčajuć jaho kisłarodam, prapuskajučy mocnuju struju vady.
Dapamahajuć ratavalnikam kamunalniki i śpiecyjalisty pryrodaachovy. Śpiecyjalisty buduć sačyć za stanam vady da stabilizacyi situacyi. Pa słovach ekołahaŭ, aeracyja vielmi aktualnaja dla haradskich azior, dzie nahruzka na pryrodu vyšejšaja, čym u naturalnych vadajomach.
Śpiecyjalisty kažuć, što aeracyja nie tolki ratuje rybu, ale i stanoŭča ŭpłyvaje na ahulny stan vadajoma: pamianšajecca vierahodnaść ćvicieńnia vady, palapšajecca jaje prazrystaść, što važna dla ŭsioj ekasistemy.