MAK nie budzie dabivacca dopusku da Alimpijskich hulniaŭ biełaruskich bijatłanistaŭ
Mižnarodny alimpijski kamitet (MAK) nie budzie sprabavać upłyvać na rašeńnie Mižnarodnaha sajuza bijatłanistaŭ (IBU), jaki pa-raniejšamu nie dapuskaje biełarusaŭ razam z rasijanami da mižnarodnych spabornictvaŭ.
Alimpijskaja čempijonka 2018 hoda Dzinara Smolskaja (Alimbiekava) prapuścić Alimpijadu 2026 hoda
IBU napiaredadni paviedamiŭ, što ŭ jahonych praviłach kvalifikacyi na Zimovyja Alimpijskija hulni niama mahčymaści dla ŭdziełu niejtralnych spartsmienaŭ, a mienavita ŭ takim statusie ciapier tolki i mohuć vystupać atlety ź Biełarusi i Rasii.
Paśla taho ŭ bijatłanistaŭ jašče zastavałasia słabaja nadzieja, što ŭ hetaj spravie paspryjaje Mižnarodny alimpijski kamitet, jaki adkryje mahčymaść dla ŭdziełu biełarusaŭ u Alimpijadzie-2026. Prynamsi, raniej jon sam zaklikaŭ dapuścić biełaruskich i rasijskich bijatłanistaŭ i łyžnikaŭ da spabornictvam.
Ale hetym razam MAK na admysłovy zapyt jamu, dasłany rasijanami, zajaviŭ, što rašeńni pa mižnarodnych turnirach prymajuć sami fiederacyi, i tamu pa ŭsich pytańniach treba źviartacca ŭ IBU.
Čytajcie taksama:
Biełaruskich bijatłanistaŭ nie puściać na Alimpijadu navat u niejtralnym statusie
Biełaruskuju alimpijskuju čempijonku ŭ Rasii padmanuli machlary
MAK zaklikaŭ dapuścić biełaruskich bijatłanistaŭ i łyžnikaŭ da mižnarodnych spabornictvaŭ