МАК не будзе дабівацца допуску да Алімпійскіх гульняў беларускіх біятланістаў
Міжнародны алімпійскі камітэт (МАК) не будзе спрабаваць уплываць на рашэнне Міжнароднага саюза біятланістаў (IBU), які па-ранейшаму не дапускае беларусаў разам з расіянамі да міжнародных спаборніцтваў.
Алімпійская чэмпіёнка 2018 года Дзінара Смольская (Алімбекава) прапусціць Алімпіяду 2026 года
IBU напярэдадні паведаміў, што ў ягоных правілах кваліфікацыі на Зімовыя Алімпійскія гульні няма магчымасці для ўдзелу нейтральных спартсменаў, а менавіта ў такім статусе цяпер толькі і могуць выступаць атлеты з Беларусі і Расіі.
Пасля таго ў біятланістаў яшчэ заставалася слабая надзея, што ў гэтай справе паспрыяе Міжнародны алімпійскі камітэт, які адкрые магчымасць для ўдзелу беларусаў у Алімпіядзе-2026. Прынамсі, раней ён сам заклікаў дапусціць беларускіх і расійскіх біятланістаў і лыжнікаў да спаборніцтвам.
Але гэтым разам МАК на адмысловы запыт яму, дасланы расіянамі, заявіў, што рашэнні па міжнародных турнірах прымаюць самі федэрацыі, і таму па ўсіх пытаннях трэба звяртацца ў IBU.
Чытайце таксама:
Беларускіх біятланістаў не пусцяць на Алімпіяду нават у нейтральным статусе
Беларускую алімпійскую чэмпіёнку ў Расіі падманулі махляры
МАК заклікаў дапусціць беларускіх біятланістаў і лыжнікаў да міжнародных спаборніцтваў