Jašče adzin biełaruski futbalist budzie hulać u Jeŭrasajuzie
Novaj kamandaj abaroncy Jahora Parchomienki stanie safijski «CSKA 1948».
Football.by
Hulec zbornaj Biełarusi ŭžo padpisaŭ kantrakt z bałharskim kłubam, a aficyjnaje paviedamleńnie pra pierachod futbalista čakajecca ŭ najbližejšy čas, piša football.by.
«CSKA 1948» zapłacić «Niomanu» za tranśfier abaroncy kala 70 tysiač jeŭra.
Parchomienka — adziny pradstaŭnik «Niomana» (na momant apublikavańnia śpisu), jakoha Karłas Ałas vyklikaŭ na matčy kvalifikacyi čempijanatu śvietu suprać zbornych Hrecyi (5 vieraśnia) i Šatłandyi (8 vieraśnia).
Biełaruskaje pradstaŭnictva ŭ Jeŭropie nie takoje i vialikaje:
U vyšejšych dyvizijonach biełarusy hulajuć u Bałharyi (dva čałavieki, biez uliku Parchomienki), Bielhii (1), Bośnii i Hiercahavinie (1), Hrecyi (1), na Kipry (1), Partuhalii (1), Polščy (2), Sierbii (1), Słavienii (1).
Što da krain byłoha SSSR, to najbolšaja dyjaspara ŭ vyšejšym dyvizijonie Kazachstana (15), u Rasii (8), Kyrhyzstanie (8). Małdova (3), Litva (2), Hruzija (1), Armienija (1).