Prezident Partuhalii nazvaŭ Trampa «abjektyŭna savieckim abo rasijskim aktyvam»
Prezident Partuhalii Marsełu Rebiełu de Soŭza adkryta raskrytykavaŭ prezidenta ZŠA Donalda Trampa, nazvaŭšy jaho «abjektyŭna savieckim abo rasijskim aktyvam». Pavodle jaho słoŭ, Tramp, jaki sprabuje pradstavić siabie hałoŭnym pasiarednikam va ŭrehulavańni kanfliktu pamiž Ukrainaj i Rasijaj, nie zrabiŭ nijakaj karyści dla Kijeva.
Fota: Horacio Villalobos#Corbis/Corbis via Getty Images
De Soŭza zajaviŭ, što novaje kiraŭnictva ZŠA stratehična spryjaje Rasijskaj Fiederacyi.
Jon pryvioŭ u prykład abiacańni Trampa nakont užyvańnia sankcyj suprać Maskvy, jakija nie byli vykananyja: choć ZŠA rehularna pahražajuć novymi abmiežavańniami, realnych dziejańniaŭ nie adbyvajecca.
Partuhalski lidar adznačyŭ, što Tramp imkniecca hrać rolu «arbitra», adnak choča vieści pieramovy tolki z adnym bokam, prymušajučy Kijeŭ i jeŭrapiejskich sajuźnikaŭ faktyčna cisnuć na Vašynhton, kab jon taksama ŭdzielničaŭ u dyjałohu.
Prezident Partuhalii padkreśliŭ, što Jeŭropa niedaacaniła značeńnie Trampa i trampizmu i nie čakała takich kardynalnych źmienaŭ u palitycy ZŠA paśla jaho viartańnia ŭ Bieły dom.
Jon nazvaŭ Trampa prykładam novaha, bolš emacyjnaha stylu palityčnaha lidarstva, aryjentavanaha na pramoje ŭzajemadziejańnie z hramadzianami, abychodziačy tradycyjnych miedyja-pasiarednikaŭ, u śviecie, dzie rasstanoŭka sił źmianiłasia.
Čytajcie taksama:
U ZŠA i Hiermanii kanstatavali, što pieramoŭ pamiž Rasijaj i Ukrainaj najbližejšym časam nie budzie
«Stahodździe prynižeńnia» Jeŭropy moža tolki pačynacca — Politico
Tramp zaklikaŭ pryciahnuć da adkaznaści Džordža Sorasa
Tramp pierakanaŭ Orbana nie pieraškadžać ustupleńniu Ukrainy ŭ JeC — ŚMI
U Trampa źbirajucca ŭrehulavać rasijska-ŭkrainski kanflikt da kanca hoda