Łukašenka nakarmiŭ ministra sielskaj haspadarki morkvaj

A toj pačastavaŭ vice-premjera Šulejku.

Skrynšot ź videa

Padčas naviedvańnia znakamitaha sielhaspradpryjemstva «Rasśviet» u Kiraŭskim rajonie pierad Łukašenkam raskłali vystavu aharodniny, jakaja vyrasła na miascovych palach. Jon zładziŭ pierad joj nievialiki śpiektakl sa svaimi čynoŭnikami.

Spačatku źviarnuŭ uvahu na cybulu i paraiŭ usim jaje jeści razam z časnakom ad «usiakaj zarazy». Adnu cybulinu ŭziaŭ i sabie, kab nibyta źjeści ŭviečary.

Paśla ž raspytaŭ dyrektara «Rasśvieta» Alaksandra Bahiela pra vystaŭlenuju tut ža morkvu, paśla čaho zapatrabavaŭ nož, kab razrezać jaje i pahladzieć, što tam usiaredzinie. Nož znajšli nie adrazu, ale ŭsio ž taki prablemu ŭrešcie vyrašyli.

Razrezaŭšy adnu z morkvin upopierak i ŭdoŭž, Łukašenka nie znajšoŭ u joj bačnych chibaŭ. A paspytaŭšy sam, pakarmiŭ z ruk i čynoŭnikaŭ: spačatku pieradaŭ kavałak ministru sielskaj haspadarki Juryju Horłavu, a paśla zapatrabavaŭ, kab jon pieradaŭ jaho dalej, vice-premjeru pa sielskaj haspadarcy Juryju Šulejku. Toj padparadkavaŭsia.

Kamientary da artykuła