Rasija padbiła adzin z vajskovych karabloŭ Ukrainy
Rasijskija vojski nanieśli ŭdar pa adnym z karabloŭ Vajskova-marskich sił Ukrainy. Pavodle aficyjnaj infarmacyi, jakuju paviedamiŭ ahienctvu «Ukrinfarm» pradstaŭnik VMS USU Dźmitryj Platenčuk, u vyniku ataki adzin člen ekipaža zahinuŭ, niekalki byli paranienyja, a jašče niekalkich marakoŭ praciahvajuć šukać.
Raźviedvalny karabiel «Simfieropal». Fota: Wikimedia Commons
Asnoŭnaja častka ekipaža znachodzicca ŭ biaśpiecy. Ciapier, jak paviedamlajecca, viadziecca likvidacyja nastupstvaŭ ataki.
«Adnosna infarmacyi ab paražeńni adnaho z karabloŭ VMS USU: my paćviardžajem fakt udaru pa karabli, ciapier praciahvajecca likvidacyja nastupstvaŭ ataki. Pieravažnaja častka ekipaža znachodzicca ŭ biaśpiecy. Praciahvajecca pošuk niekalkich vajskovych marakoŭ. Na žal, adzin člen ekipaža zahinuŭ, niekalki paranienyja», — zajaviŭ Dźmitryj Platenčuk.
Rasijskija telehram-kanały śćviardžajuć, što paciarpieŭ raźviedvalny karabiel «Simfieropal». Heta siaredni raźviedvalny karabiel prajekta «Łahuna», pryznačany dla radyjoelektronnaj vyviedki. Jon byŭ pabudavany na kijeŭskim zavodzie «Kuźnia na Rybalskim», spuščany na vadu ŭ krasaviku 2019 hoda i ŭvajšoŭ u skład ukrainskaha fłotu ŭ 2021 hodzie.