Kolkaść vieryfikavanych rasijan, jakija zahinuli na vajnie z Ukrainaj, dasiahnuła 130 tysiač čałaviek
Prajekt «Horiuško», jaki šukaje ŭ adkrytych krynicach infarmacyju pra zabitych rasijskich vajskoŭcaŭ, paviedamiŭ, što kolkaść paćvierdžanych zahinułych dajšła da čarhovaj simvaličnaj rysy — 130 tysiač čałaviek.
Rekłama słužby pa kantrakcie na prypynku ŭ Ćviery. Fota: sacsietki
Rabotniki inicyjatyvy manitorać sacyjalnyja sietki i znachodziać infarmacyju pra cyrymonii raźvitańnia ci prosta dopisy ad svajakoŭ. To-bok kožny sa 130 tysiač zahinułych maje kankretnaje imia i apošniaje miesca pražyvańnia.
Infarmacyja pra 120-tysiačnaha zahinułaha była apublikavanaja 19 lipienia 2025 hoda, pra 125-tysiačnaha — 5 žniŭnia 2025 hoda.
130-tysiačnym u bazie «Horiuška» staŭ 41-hadovy Raman Cichanaŭ. Jon zahinuŭ učora.