Колькасць верыфікаваных расіян, якія загінулі на вайне з Украінай, дасягнула 130 тысяч чалавек
Праект «Горюшко», які шукае ў адкрытых крыніцах інфармацыю пра забітых расійскіх вайскоўцаў, паведаміў, што колькасць пацверджаных загінулых дайшла да чарговай сімвалічнай рысы — 130 тысяч чалавек.
Рэклама службы па кантракце на прыпынку ў Цверы. Фота: сацсеткі
Работнікі ініцыятывы манітораць сацыяльныя сеткі і знаходзяць інфармацыю пра цырымоніі развітання ці проста допісы ад сваякоў. То-бок кожны са 130 тысяч загінулых мае канкрэтнае імя і апошняе месца пражывання.
Інфармацыя пра 120-тысячнага загінулага была апублікаваная 19 ліпеня 2025 года, пра 125-тысячнага — 5 жніўня 2025 года.
130-тысячным у базе «Горюшка» стаў 41-гадовы Раман Ціханаў. Ён загінуў учора.