U Śvietłahorsku pjany mužčyna nočču paviedamiŭ pra miniravańnie čyhunačnaha mosta
Mužčyna byŭ taki pjany, što zamiest milicyi zrabiŭ zvanok u chutkuju dapamohu.
Ranicaj 27 žniŭnia 48-hadovy žychar Śvietłahorska patelefanavaŭ na numar 103 i zajaviŭ pra nibyta miniravańnie čyhunačnaha mosta praź Biarezinu. Mužčyna telefanavaŭ a 5:51, znachodziačysia ŭ stanie ałkaholnaha apjanieńnia, i navat pamyłkova nabraŭ chutkuju dapamohu zamiest milicyi.
Pavodle prakuratury, most źjaŭlajecca stratehičnym abjektam. U vyniku paviedamleńnie pra miniravańnie nie paćvierdziłasia, mužčynu zatrymali.
Suprać jaho raspačata kryminalnaja sprava za zahadzia iłžyvaje paviedamleńnie pra niebiaśpieku.
Maksimalnaje pakarańnie pa hetaj spravie — da 5 hadoŭ pazbaŭleńnia voli. Akramia taho, ź vinavataha mohuć spahnać vydatki, źviazanyja z vyjezdam ekstranych słužbaŭ.