Siarožami i Vałodziami ciapier nazyvajuć zredźčas
Za pieršaje paŭhodździe hetaha hoda ŭ Minsku na śviet źjaviłasia bolš za 6 tys. niemaŭlat. Samym papularnym siarod mužčynskich imionaŭ akazaŭsia Michaił, a siarod žanočych — Maryja. Pra heta raspaviali ŭ efiry telekanała STB.
Chłopčykaŭ taksama časta nazyvajuć Ramanami i Cimafiejami, a dziaŭčynak — Safijami i Jevami.
Minčan nazyvajuć i niezvyčajnymi imionami, naprykład: Mark-Antuan, Spartak, Ninel, Karnielija i Lubava.
Načalnik Pałaca hramadzianskich abradaŭ hałoŭnaha ŭpraŭleńnia justycyi Minabłvykankama Natalla Kalinina adznačyła, što raniej papularnyja imiony pierachodziać u razrad redkich. U dziaŭčynak heta Natalla, Volha, Śviatłana, Iryna, a ŭ chłopčykaŭ — Uładzimir, Valeryj, Rusłan, Siarhiej.