Сярожамі і Валодзямі цяпер называюць зрэдзьчас
За першае паўгоддзе гэтага года ў Мінску на свет з’явілася больш за 6 тыс. немаўлят. Самым папулярным сярод мужчынскіх імёнаў аказаўся Міхаіл, а сярод жаночых — Марыя. Пра гэта распавялі ў эфіры тэлеканала СТБ.
Хлопчыкаў таксама часта называюць Раманамі і Цімафеямі, а дзяўчынак — Сафіямі і Евамі.
Мінчан называюць і незвычайнымі імёнамі, напрыклад: Марк-Антуан, Спартак, Нінэль, Карнелія і Любава.
Начальнік Палаца грамадзянскіх абрадаў галоўнага ўпраўлення юстыцыі Мінаблвыканкама Наталля Калініна адзначыла, што раней папулярныя імёны пераходзяць у разрад рэдкіх. У дзяўчынак гэта Наталля, Вольга, Святлана, Ірына, а ў хлопчыкаў — Уладзімір, Валерый, Руслан, Сяргей.