Tejłar Śvift zaručyłasia z zorkaj amierykanskaha futboła

Amierykanskaja śpiavačka Tejłar Śvift abviaściła, što zaručyłasia z zorkaj amierykanskaha futboła Trevisam Kiełsi, jaki vystupaje za kłub «Kanzas-Sici Čyfs» i trojčy vyjhravaŭ Supierboŭł. Pra heta jana paviedamiła ŭ instahramie, dzie pakazała sumiesnyja fota z kachanym i zaručalny piarścionak na palcy.

Tejłar Śvift i Trevis Kiełsi. Fota: Getty Image

I Tejłar, i Trevisu ciapier pa 35 hadoŭ, a sustrakacca jany pačali ŭ 2023-m. Z taho času Śvift rehularna naviedvała matčy Kiełsi, a jaho papularnaść imkliva vyrasła: prodažy futbołak ź jahonym proźviščam uźlacieli na 400%, kvitki na hulni «Čyfs» stali bolš zapatrabavanymi, a jahony padkast trapiŭ u topy Apple i Spotify.

Zaručalny piarścionak na ruce Tejłar Śvift. Fota ź jaje instahrama

Tejłar Śvift źjaŭlajecca adnoj z samych paśpiachovych i viadomych artystak u śviecie: jana maje 14 «Hremi», zvańnie «Vykanaŭca dziesiacihodździa» ad American Music Awards i ŭznaharodu Billboard «Žančyna dziesiacihodździa». U 2023 hodzie jaje majomaść pieravysiła 1 miljard dołaraŭ dziakujučy hrandyjoznamu turu Eras, jaki, pavodle infarmacyi ahienctva Bloomberg, navat pavialičyŭ VUP ZŠA na niekalki miljardaŭ.

U tym ža hodzie śpiavačka atrymała tytuł «Čałaviek hoda» pavodle infarmacyi vydańnia Time, abyšoŭšy suśvietnych palityčnych lidaraŭ i navat lalku Barbi. A na kancertach u Sietle fanaty stvaryli siejśmičnyja vahańni, što byli supastaŭnyja ź ziemlatrusam u 2,3 bała.

Što da Trevisa Kiełsi, to jon uvachodzić u lik najlepšych hulcoŭ u historyi na pazicyi tajt-enda i maje try pieramohi ŭ Supierboŭle — u 2020, 2023 i 2024 hadach.

Kamientary da artykuła