Pačalisia vučeńni vojskaŭ suviazi z pryciahnieńniem pradpryjemstvaŭ
Pad kiraŭnictvam načalnika suviazi Uzbrojenych sił — načalnika ŭpraŭleńnia suviazi Hienštaba US Vadzima Ramaniva ŭ Biełarusi z 25 pa 29 žniŭnia projduć apieratyŭna-śpiecyjalnyja vučeńni vojskaŭ suviazi, paviedamlaje pres-słužba Ministerstva abarony.
Zdymak ilustracyjny. Fota: «Vajar»
Meta vučeńniaŭ — padtrymlivańnie ŭzroŭniu bajavoj hatoŭnaści i zdolnaści sistemy suviazi efiektyŭna zabiaśpiečvać kiravańnie vojskami.
U vučeńniach buduć zadziejničanyja pradpryjemstvy pramysłovaści i transpartu Biełarusi, adpracujuć novyja formy i sposaby prymianieńnia sił i srodkaŭ suviazi z vykarystańniem avijacyi i bieśpiłotnikaŭ.
Vučeńni buduć prachodzić na palihonach, učastkach miascovaści i stacyjanarnych abjektach pa ŭsioj terytoryi Biełarusi. Na zaviaršalnym etapie budzie razhornutaja poŭnaja sistema suviazi dla padtrymki pryznačanych na 12-16 vieraśnia sumiesnych biełaruska-rasijskich vučeńniaŭ «Zachod-2025».
Čytajcie taksama:
Litva pravodzić na miažy ź Biełaruśsiu vučeńni «Advažny hryfon»
Ukraina paraiła biełaruskaj armii padčas vučeńniaŭ nie nabližacca da miažy
Litva pierad vučeńniami «Zachad-2025» na ŭsialaki vypadak uzmacniaje miažu