Amal 40% rasijan ličać siabie «całkam asablivym narodam»
Bolš za tracinu rasijan (39%) ličać ruskich «asablivym narodam», z duchoŭnymi kaštoŭnaściami i patryjatyzmam. Pra heta śviedčać vyniki apytańnia Usierasijskaha centra vyvučeńnia hramadskaj dumki, jakija publikujuć «Viedamaści».
Fota: Getty Images
39% apytanych ličać, što ruskija — «całkam asablivy narod».
Na dumku respandentaŭ, «asablivaść» ruskich zaklučajecca ŭ śvietapohladzie i duchoŭnych kaštoŭnaściach (22%), dušeŭnaści (15%), bahataj kultury (12%), pravasłaŭi (12%), patryjatyźmie (11%), spačuvańni (8%) i inšych jakaściach. Apytanyja mahli vybirać niekalki varyjantaŭ adkazaŭ.
Bolš za ŭsio prychilnikaŭ «asablivaści» siarod hramadzian va ŭzroście ad 45 da 60 i starejšych za 60 hadoŭ — pa 45% u kožnaj uzrostavaj hrupie. Najmienš vierać u «asablivaść» maładyja respandenty 18—24 hadoŭ — 23%.
Hetyja danyja vynikajuć z telefonnaha apytańnia analityčnaha centra siarod 1600 paŭnaletnich rasijan. Daśledavańnie pravodziłasia ŭ mai.